بروكهيفن هي البيت اللي بنرجعله دايما
في ألعاب كتير في روبلوكس بس بروكهيفن ليها مكان تاني في قلبي. أنا وصحابي بنتقابل فيها زي ما الناس بتتقابل في القهوة. واحد ياخد دور الأب وواحد الأم وأنا غالبا باخد دور الجار الفضولي اللي بيتدخل في كل حاجة هههه. مفيش هدف في اللعبة وده بالظبط الجمال، انت اللي بتخترع القصة على مزاجك. مرة عملنا فرح كامل جوه اللعبة وجبنا عربيات وقعدنا نرقص، ومرة عملنا مطاردة بوليس في الشارع. اللي بيريحني إنها ملهاش ضغط ولا مكسب ولا خسارة، بس ضحك ووقت حلو مع ناس بتحبها. لو نفسك في لعبة تقعد فيها تتكلم وتلعب أدوار من غير تعقيد، بروكهيفن هي دي. بحبها موت وبرشحها لأي حد.
